Sociedá

Colunga acueye la esposición fotográfica «Les muyeres iraquines y la guerra»

Una de les semeyes de la esposición Les muyeres iraquines y la guerra.

Hasta’l 14 de marzu la Casa de Cultura de Colunga acueye la esposición Les muyeres iraquines y la guerra, una colección d’imáxenes feches por profesionales de la fotografía de prensa que muestra cómo n’epoques de guerra les necesidaes básiques de les muyeres y los neños son les primeres en ser sacrificaes. A pesar d’ello, el so trabayu llogra sustentar les sociedaes, responsabilizándose de les xeres doméstiques y familiares, proporcionando cuidaos mélicos y servicios que l’Estáu nun da. Nesti casu concretu, l’escenariu ye la guerra d’Iraq.

La esposición, de carácter itinerante, ta organizada pol Institutu Asturianu de la Muyer, departamentu adscritu a la Conseyería de la Presidencia del Gobiernu d’Asturies. La muestra pue visitase, de llunes a vienres, ente les 10:30 y les 13:30 hores, y n’horariu de tarde ente les 17:30 y les 19:30 hores, na Casa la Cultura de Colunga, asitiada na Avenida de la Reconquista, númberu 23.