Cultura tradicional

El Campionatu d’Asturies de Cuatriada dio a conocer los finalistes

Javier Pruneda.

Los campeonatos d'Asturies por pareyes de la modalidá de cuatriada yá tienen finalistes: Javier Pruneda-Guillermo (Villa Sidra Titi) y Berto-Luisín (Sotrondio) son los finalistes en primera, y David-Nacho (Villa Noreña) y Carlos-David (Venta Los Probes) son los finalistes en segunda. Estos finalistes lleguen a la final depués de ganar les semifinales con partíes de dir y volver. La final de tercera categoría va enfrentar a Abraham-Angelín (Tino Panaderu) y a Alejandro-Mario (El Biche).

Los navetos Javier Pruneda y Guillermo vencieron en dos grandes partíes nuna de les semifinales a Iván-Ibaseta (El Piles). Pela so parte Berto-Luisín (Sotrondio) llograben el pase a la final al ganar a Josín-Mundo (Blimea) que vencieren na primer partida y en terrén de los de Sotrondio por 14 a 12, pa remontar en Blimea por un contundente 14 a 7.

En segunda categoría, la pareya noreñense, David-Nacho, llogró'l pase a la final de la categoría  al ganar a Fidel-David (Prau La Güeria) na primer partida en La Pola Llaviana por un contundente 14 a 7 y rematar en Noreña con empate a 8. Na semifinal énte los campeones vixentes de la categoría, Manolín-Eugenio (Tientu Panaderu) y Carlos-David (Venta Los Probes) ganaron estos últimos. Manolín y Eugenio ganaron la primer partida por un contundente 14 a 7 que foi contestáu na segunda col mesmu resultáu. Carlos y David llograron vencer nuna prórroga emocionante por 6 a 4 .

La final va xugase'l domingu 7 de marzu, a partir de les 12:30 hores, na bolera de Contrueces (Xixón), detrás de la final de tercer categoría, que va principiar a les 11:00 hores y va enfrentar a Abraham-Angelín (Tino Panaderu) contra Alejandro-Mario (El Biche).