Llibros

Sal un númberu nuevu de la revista «Clarín»

El númberu 85 de la revista lliteraria asturiana Clarín yá ta na cai, con un conteníu central basáu nun clásicu de les lletres españoles: la catedrática de Lliteratura Española na Universidá de Barcelona Rosa Navarro Durán escribe un artículu sobre l'autoría del Lazarillo de Tormes. El trabayu, «Diego Hurtado de Mendoza, autor de la segunda parte de Lazarillo de Tormes» afonda nesta obra de la mano d'una de les mayores espertes na Edá d'Oru española, reconocida internacionalmente poles sos investigaciones sobre l'autoría del Lazarillo de Tormes.

Otros conteníos que se pueden topar nel númberu 85 de la revista son les obres de cuatro narradores mozos nacíos ente 1966 y 1976: Julio José Ordovás (1976), Julio Baquero Cruz (1972), Paul Brito (1975), y Ángeles Prieto Barba (1966). Igualmente, pueden topase les collaboraciones d'Ovidio Parades, José Ignacio Foronda, Héctor Blanco y Javier Fresán.

Esti númberu inclúi tamién una quincena de los famosos Paliques, crítiques lliteraries d'obres recientes. Otra manera, la revista ciárrase col artículu de Javier Almuzara «La poesía y otras dudas».