Sociedá
El Club Xeitu convoca’l Certame Lliterariu «Guzmán Álvarez» pa obres en «pal.luezu»
02-03-2010El Club Xeitu de la comarca llionesa de L.laciana convoca’l segundu certame lliterariu «Guzmán Álvarez». L’únicu requisitu pa poder participar nél ye que les obres presentaes tean escrites en «pal.luezu», variante del asturllionés falao na zona norte de Llión.
El certame tien dos categoríes, poesía y prosa, y nelles pueden concursar toles persones que lo quieran con trabayos inéditos y de temática llibre que tean escritos, según consta nes bases, «na llingua vernácula de la montaña occidental asturllionesa, variante del bable». El xuráu va tar constituíu por personalidaes relevantes del mundu lliterariu o de la revitalización y estudiu del pal.luezu, presidíu pol l.lacianiegu Roberto González-Quevedo (miembru de l’Academia de la Llingua Asturiana). Los gallardones van entregase’l 1 de xunu, nun actu onde va celebrase un recital lliterariu centráu na variedá llingüística propia d’esa zona del cordal asturllionés.
El Club Xeitu tien como oxetivos la recuperación, divulgación y conservación de los valores culturales y patrimoniales de la comarca y el cordal occidental asturllionés.
